Aatsitsivik Katuami saqqummersinneqalerpoq

Saqqummersitsineq ingerlaartitaq AATSITSIVIK / SMELTEDIGEL Katuami talliamanngorpamit ulluni 14-ini saqqummersinneqassaaq. Saqqummersitsineq tassaavoq TUUKKAP Kalaallit Nunaanni/Danmarkimi Isiginnaartitsinermut Kulturimullu centeriata kalaallillu assilianik eqqumiitsuliortut Camilla Nielsenip Miki Jacobsenillu suleqatigiillutik suliniutaat.
januaarip 09-at 2013 07:56

Assinik eqqumiitsulianik saqqummersitsikkut Kalaallit Nunaata Danmarkillu akornanni siunissamilu aamma nunani Atlantikup avannaaniittuni paaseqatigiinnerup ataqqeqatigiinnerullu siuarsarnissaanik siunertarineqarpoq. Sammineqartoq tassaavoq: SIKU/INNEQ – Aatsitsivik - eqqumiitsuliornermik inuunermillu nuannarisaqarnikkut naapeqatigiinneq, taamaattumillu qulequtserneqarsimalluni "Aatsitsivik”.

Saqqummersitsinermi ingerlaartitami qitiutinneqartut tassaapput qalipakkat, ilusilersukkat assilisallu Kalaallit Nunaanni, Skotlandimi Danmarkimi ukiut qulit ingerlanerini suliarineqarsimasut. Aammattaaq multimedia atorlugu TUUKKAQ pillugu saqqummersitsisoqassaaq - eqqumiitsuliortunik pulaartorineqartunik, filmertitsillunilu unnussiuaartitsinermit, Open Stagemit nipilersornikkullu aaqqissussinernit takusassaqassalluni. Taakkunannga ilaatigut eqqaaneqarsinnaasut tassaapput, kalaallit erinarsoqatigiit AQISSEQ tusarnaartitsinerat Rasmus Lyberthillu tusarnaartitsinera.

Saqqummersitsineq tallimanngorpat januaarip qulingani nal. 16.00 ammarneqassaaq.

Saqqummersitsineq eqqumiitsuliortullu pillugit paasissutissat uani atuarneqarsinnaapput: http://www.katuaq.gl/kl/saqqummersitsinerit/saqqummersitsinernik_pilersa...