Aatsitassat pillugit inatsit akuerineqarpoq
Inatsissamut siunnersuut tuaviussaavallaartoq inatsisartullu upernaamut ataatsimiinnissaannut kinguartinneqartariaqartoq, peqatigiiffiit kattuffiillu assigiinngitsut kaammattuipput.
- Aatsitassat pillugit inatsisissamut siunnersuutip suliarineqarnera akuersaarneqarsinnaanngilaq. Inuiaqatigiit kiffaanngissuseqarlutik paasissutissanillu tunuliaqutaqarluarlutik isummersinnaanerat tunulliunneqarpoq, peqatigiiffiit kattuffiillu tusagassiortunut nalunaarutiminni ilaatigut taama allapput.
Kinguartitsinissamik piumasaqarlutik atsiortut tassaapput Nunat Issittormiut Kattuffiat, Gønlands Stenklub, Peqatigiiffik 16. August, Earth Charter, Narsami Urani naagaarparput kiisalu Avataq.
Inatsisissamut siunnersuut partiinit tamanit isumaqatigineqarluni akuerineqarpoq, kinguartitsinissamillu siunnersuutigineqartoq taamaasilluni tusaaniarneqarani.
Aatsitassat pillugit inatsit januaarip aallaqqaataa aallarnerlugu atuutilissaaq.
