Aatsitassat pillugit ilisimasat ataatsimoortinneqassapput
Ilisimasaqarfik taanna Danmarkimi Kalaallit Nunaannilu ujarassiuutut misissuisarfimmi, GEUS-imi inissisimassaaq. Ilisimasaqarfiullu nutaap suliassaasa pingaarnersarissavaa, qallunaat oqartussaannut, suliffeqarfinnut aamma naliginnarnik atortussiortunut pitsaasumik aatsitassat pillugit paasissutissiisarnissaq.
Taama nalunaarput Silap pissusaanut Nukissiuuteqarnermullu ministeriaqarfik.
Ilisimasaqarfimmik taamaattumik pilersitsitsinermut pissutaanerpaavoq, nunarsuatsinni inuiaqatigiit akunnattumik isertitaqartartut amerliartupiluulernerisa kinguneranik, taakku pisariaqartitaat, soorlu angerlarsimafinni atortut nutaalianerit, oqarasuaatit aamma nukissiuutit avatangiisinut mingutsitsissutaanngitsut amerliartuinnavimmata.
Taakku pisariaqartitaasa pilersippaa, aatsitassanit pisunit atortussiat siornatigut atorneqarneq ajortut amerliartorneri.
- Aatsitassanik pisariaqartitsisoqarpoq, suliffeqarfissuarnit inuiaqatigiinnillu annertunersiartuinnavissumik ujartuisoqarnerata kinguneranik. Pilersuinerup piujuarnissaa tamassumalu ajalusoorsinnaanerata kinguneranik pissakilliorneq oqartussanit, suliffissuaqarfinnit aningaasaliisunillu sillimaffigineqartuartussaavoq, naalgaaffimmit ataasiinnaanngitsumit nunalli immikkoortuinit ataasiakkaanit aamma nuani tamalaanit, silap pissusaa pillugu nukissiuuteqarnermullu ministeri, Martin Lidegaard tusagassiutinut nalunaarummi allappoq.
