Uuliakoorneq inunnut tamaani najugaqartunut navianartorsiortitsinngitsoq, Nornickel erseqqissaavoq.Assi: Irina Yarinskaya/AFP/Ritzau Scanpix

Aatsitassarsiutileqatigiiffiup uuliakooqqittoorsimanini nassuerutigigaa

Aatsitassarsiutileqatigiiffik Nornickel qajannartumik avatangiiseqartumi uuliakoortoorujussuarsimanini juunimi nassuerutigaa. Aatsitassarsiutileqatigiiffik taanna uuliakoortooqqeqqammerpoq.

Aatsitassarsiutileqatigiiffik Nornickle Ruslandip avannaani uuliakooqqittoorsimavoq.

Ikummatissaq 40 tonsinit oqimaannerusoq Issittup imartaata qanittuani qajannartumik avatangiiseqartumi aniasimavoq.

Nutaarsiassaqartitsivik dpa taama allappoq.

Aatsitassarsiutileqatigiiffiup Nornickelip fabrikkiisa ilaannit uulia tonsinik arlaqartunik oqimaassusilik immamut maajip qaammataani aniasimavoq.

AAMMA ATUARUK Ruslandimi uuliakoortoqarnerani borgmesteri unnerluutigineqartoq

Uuliamik taama annertutigisumik aniatitsisoortoqarsimanera suliffeqarfiup juunimi nassuerutigaa, fabrikkimilu sulisunut oqartusaasut soraarsinneqarput sulinermi maleruaqqusat ersittumik unioqqutinneqarsimanerat pillugu.

Kingullemik uuuliakoortoqarpoq, illoqarfimmit Norilskimit 100 kilometerisut ungasitsigiumi, taanna Qaasuitsup killeqarfiata avannaaniippoq.

Uuliakoorneq inunnut tamaani najugaqartunut navianartorsiortitsinngitsoq, Nornickel erseqqissaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat