Aatsitassarsiortoqarsinnaanermut akerliusut peqatigiiffiliorput

- Kuannersuarni aatsitassarsiortoqalissappat, aatsitassap uranimik akoqarnera isiginiarneqartariaqarpoq. Ineriartoqqinnermi aqutsilersussat tassaalissapput aatsitassarsiortut, aatsitassaq nunguppat aningaasat nassarlugit angerlartussat, Kalistat Lund suleqatigiiffimmik aallartitsiniartut sinnerlugit allappoq.

Taassuma unnerpaa, inatsisartut oqallinneranni eqqartorneqartoq, aatsitassarsiornermi aatsitassap uranitaata 0,1%-mut killilerlugu, peertuukkatut nalilerlugu piiarneqarsinnaanngornissaa akuersaarneqassasoq.

- Nunarput uranisiorfiunngimmat peertuukkallu aningaasarsiutissaanngimmata, Inatsisartuniit aamma piumasarineqartariaqarpoq, uranip peertuukkap nalinga tamakkiisumik nunatsinnut nakkartinneqartassasoq. Isumaqaratta taama aaqqiinikkut ”matukkut tunorlikkut iserluni” piiaaniarsinnaanerit pinngitsoortinneqarsinnaassasut, Kalistat Lund, uranitalimmik piiasoqarsinnaanerannik akerliusut suleqatigiiffissaannik pilersitsiniat sinnerlugit allappoq. Suleqatigiiffik decembarip 18-anni aallartinniarneqarpoq.