Aatsitassarsiornermik sammisallit Kalaallit Nunaat persareqqilerpaat

Nunatsinni aatsitassarsiornissamik sinnattornissamut sanarfivissaqaqqilertoqarpoq. Fraser Institutemimi isummersuisut nalunaarusiaanni Kalaallit Nunaat nunat assigiinngitsut akornanni aatsitassarsiorfiliorfissaqqinnersanut ilanngussimavaa.

Allattoq Jonas Løvschall-Wedel

marsip 08-at 2016 13:06

Nutserisoq Akitsinnguaq Olsen

Taamaasilluta tulleriissakkani 25-ssaanut qaffappugut, pilerinarnersat akornanneeqqilerluta. Ukioq 2012/13-imi Kalaallit Nunaat tullerissaartut akornani normu 14-iugaluarpoq, taamanimiilli ammuinnaq inissikkiartulertorsimalluta, ukiullu marluk matuma siorna tullerissaartut akornani 41-ussaaniilersimalluta.

Aatsitassarsiorfiit aningaasaliisartullu 449-t apersorneqarneranni akissutaat misissuinermi aallaaviusimapput. Aatsitassarsiorfinnut pissarititat nunani aatsitassaqarfiusinnaassutsit aatsitassarsiornermilu tunngavissatut atugassaritinneqartartut aallaavigalugit sumiiffinni assigiinngitsut nalilersorneqarsimapput.

Aamma atuaruk Jens-Erik Kirkegaard: Aatsitassarsiortut allattorsimaffianni inissisimanerup apparnera ajortuunngitsoq

Nittartakkakkut aviisip Sermitsiaq.AG-p ilanngutassiami innersuuppaa siusinnerusukkut Fraser Institutimit misissuisimanerit takutikkaat Aleqa Hammondip Naalakkersuisut akileraartarnikkut malittarisassai nutaat saqqummiummagit Kalaallit Nunaani aatsitassaqarnikkut ingerlatsilernissamut aningaasaleerusuttut aningaasaleerusussusaannut annernarsimasoq, tamannalu tamatuma kingorna Kalaallit Nunaata ammuinnaq ingerlalerneranut sunniuteqaqataasimasoq.

- Qineqqusaarnerup kingulliup ingerlanneqarnerani royaltiesit eqqartorneqarneri aallarnisarneqariasaarput. Pisortanilu teknikkikkut ajornartorsiortoqarnera peqqutaalluni siusinnerusukkut misissueqqissaarnissamik akuersissutinik tunineqareersimasut aammattaaq ilanngunneqarlutik, piffissami pineqartumi misissuisimanerit takutikkaat Sermitsiaq. AG allappoq.

Tamatuma kingorna siumukartoqaqqilersimavorli, suliassaqarfinnik ingerlatsiviusup ullumikkut niueqatigiinnissanik akornusersorneqarfigisinnaasaanik, inuiaqatigiinni aningaasaqarnikkut isumaqatigiissutaasut pillugit kiisalu sulisoqarnikkut periarfissiinerit pillugit Kalaallit Nunaat immikkut pluspoint-innassutigalugu.

Aamma atuaruk Fraiser Institutep misissuinera (tuluttut)