Aatsitassarsiornermik pisortaqarfik ulapittariaqassaaq
Aatsitassarsiornermik pisortaqarfimmi suliassat amerliartuinnarput, Kalaallit Nunaanni aatsitassat Ikummatissallu pillugit Siunnersuisoqatigiinni ilaasortassat tamakkerlutik suli inissititernikuunngimmata.
Folketingimut qinersisoqaqqammerpoq, partiillu ilaasa siulittaasunngortitsiniarsimapput.
- Tamanna pissutigalugu suliassat aalajangiiffigineqarnissaminnut utaqqimaaginnarput. Suliffeqarfiillu nunatsinni suliniarneranut aamma akornutaaginnarpoq, Aatsitassarsiornermik pisortaqarfimmi pisortaq Hans Kristian Schønwandt radioaviisimut oqarpoq.
Suliassat aalajangiiffigineqartussat 20-t 30-llu akornanniittut utaqqiinnarput. Taakku januaarimili aalajangiiffigineqartussaagaluarput, Folketingimulli qinersisoqarmat, partiillu siulittaasunngortitsiniarsimammata suliassat kingurtinneqarsimapput.