Aatsitassarsiorneq uuliasiornerlu pillugu isumasioqatigiilersut
Suliffeqarfiit assigiinngitsut periarfissinneqassapput paasissutissiinissamut uuliasiornerup aatsitassarsiornerullu iluanni sutigut sullissisinnaanerlutik.
Tamanna pissaaq Aatsitassat pillugit pisortaqarfik, Kommuneqarfik Sermersooq Sulisitsisullu Peqatigiiffiat uuliasiorneq aatsitassarsiornerlu pillugit 2011-imi septemberimi isumasioqatigiisitsilerpata.
- Ataatsimeersuarnermi ilaatigut paasissutissiissutigineqassapput pisinnaatitsissummik politikki, inatsiseqarnermut tunngasut, aatsitassarsiulereersut nalilersorneqarneri taakkulu suliffeqarfinnit nunatsinneersunit kiffartuussinermik pilersorneqarneri aamma kalaallit sulisinnaasut aatsitassarsiornermi sulisorineqartarneri eqimattakkaarluni sammineqassapput assersuutigalugu pilersaarusiukkamik suleqatigiinnerit,
akuersissuteqartarnerillu, taama isumasioqatigiinnissamik aaqqissuisut nalunaarput.