Aatsitassarsiorneq inerisarniaraat

Nunat avannaarliit suleqatigiinnissamut ministerii, Svalbardimi ataatsimeeqqammerput.
Nungusaataanngitsumik aatsitsassarsiornerup ilisimatusarnikkut ineriartortinneqarnissaanut nutaamik suleqatigiittoqassasoq, atatsimiinnermi isumaqatigiissutigineqarpoq.  

Naalakkersuisuni ilaasortaq Palle Christiansen ataatsimiinnermi nunarput sinnerlugu  peqataavoq. Nunat avannarliit suleqatigiinnerat taassuma akisussaaffiinut ilaavoq.

- Oqaluuserineqartut soqutiginaqaat, neriuppunga upperalugulu aatsitassarsiornermik  ilinniarfiup Sisimiunittup iluaqutigisinnaalluarai. Kalaallit Nunaanni aatsitassarsiorfinnik angisuunik ukiuni tulliuttuni aallartitsisussaavugut, taamaattumik nunat tamalaat aatsitassarsiornermik ineriartortitsineranut qanittumik malinnaanissaq pisariaqartipparput, Palle Christiansen oqarpoq.

Palle Christiansenip Svalbard-imi ataatsimiinnerni arlalinni erseqqissarpaa, Nunat Avannarliit Siunnersuisoqatigiiffiannut siunnersuutit oqaluuserisassanngortinnginnerini anguniakkat erseqqissarneqartassasut. Taamaattumik Nunat Avannarliit nungusaataanngitsumik atuinissamik periaasissaattut siunnersuut immikkoortunut marlunngorlugu saqqummiunneqassaaq.

Tamatuma kinguneranik Nunat Avannarliit Siunnersuisoqatigiivi oktobarimi ataatsimiilerpata, periaasissamik saqqummiussisoqassaaq, taamaalilluni minsterrådimi siunnersusioqatigiit anguniakkatik 2013-imi saqqummiussinnaassammatigik.

Nunat avannaarliit nungusaataanngitsumik suliniutitut periusissaat immikkoortunut marlunnut saqqummiuneqarnissaat aalajangiuneqarpoq.

Taakkua nunat avannaarliit oktober-imi ataatsimiinnissaannut saqqummiuneqassapput.
Saqqummiunneqartut Nunat avannarliit suleqatigiinnissamut ministeriisa 2013-imi Nordisk Råd ataatsimiilerpat saqqummiutissvaat.