Aatsitassarsiorfissaq pillugu Ilisimatusarfimmi marlunngorpat unnukkut paasissutissiilluni ataatsimiisitsisoqassaaq

Aatsitassarsiutileqatigiiffiup Tanbreezip suliniutiginiakkani Namminersorlutik Oqartussanut qanittukkut qinnuteqaatigisassani pillugu unnugu paasissutissiilluni ataatsimiisitsissaaq. Piiaavissaq Kommune Kujallermi Killavaaniittussaavoq, ingerlatseqatigiiffillu kingullermik kujataani innuttaasunik paasissutissiilluni ataatsimiisitsineri sap. ak. 4-mi ingerlanneqarput.
februaarip 19-at 2013 11:14

VVM-imik, SIA-mik, feasibilitymillu misissuinerit suliniulluunniit pillugu paasissutissanik allanik nassaassaqanngilaq, taamaammat Nuummi innuttaasut paasissutissat tamakku soqutigigunikkit Ilisimatusarfimmi unnugu ataatsimiisitsinissaq periarfissat kingullersarissavaat. Ataatsimiisitsineq ilisimatusarfiup inersuaani ingerlanneqassaaq, nal. 19.00 aallartilluni nal. 22.00-llu missaani naammassissangatinneqarluni.