Aatsitassarsioqatigiit innuttaasunik ataatsimiisitsiniartut

Aatsitassarsioqatigiit Hudson Greenland Qeqqata Kommunia suleqatigalugu Sisimiuni Maniitsumilu innuttaasunut ataatsimiisitsinialerput.
januaarip 30-at 2018 14:49

Hudson Greenlandip Kangerlussuarmi, Qeqqata Kommunianiittumi Anorthositi aasaru piialissavaa, ammarneqarnissaalu piareersalereerlugu.

Aatsitassaq Anorthosit, glasfiberiliornermi atorneqartarpoq, Namminersorlutillu Oqartussat Qeqqata Kommunialu suleqatigalugit Kangerlussuarmi piialernissaq piareersarneqaleruttorluni.

Sisimiuni innuttaasunut siullermik ataatsimiisitsisoqassaaq, Majoriamilu ualeru nalunaaqutaq tallimaniit unnugu arfineq-marluk tungaannut ataatsimiisitsisoqassalluni.

Hudson Greenland Maniitsumi innuttaasunut taava aqagu ataatsimiisitsissaaq, Majoriami aamma ataatsimiisitsisoqassaaq, aammattaaq ualikkut nalunaaqutaq tallimaniit unnukkut arfineq-marluk tungaannut.

Hudson Greenlandip innuttaasut, suliffissarsiortut kiisalu suliffeqarfiit namminersortut aatsitassarsiorfik pillugu killiffimminnik sullisserusuttunut ataatsimiisitsinermi nassuiaateqarfigissavaat, kikkulluunniilli ataatsimiisitsinernut tikilluaqqusaapput.