Aatsitassaqassuseq misissoqqissaarpaat

Siornatigut nunatsinni aatsitassanik mississueqqissaanerit eqqarsaatigalugit asseqanngitsumik annertussusilimmik, Australiami aatitassaleriffik Rembal Narsap eqqaani misissueqqissaarnissamut akuerineqarsimasoq, ukioq mannaannaq 15 -20 mio koruuninik missinngersuuteqarluni Kuannersuarni misissueqissaaruttulerpoq.

Kuannersuarni 15 kilometeritut takitigisoq qillerlugu peerneqassaaq ullunilu makkunani ujarassiuut australiamiut 25-t missaaniittut qilleripput.

Hold-i alla kujasinnerusumi Tunulliarfimmi aamma misissuisoq.

Australiami Greenland Mineral and Energy-p siulersuisuini siulittaasoq, Hans Kristian Schønwandt aqutsisuuvoq.

Kuannersuarni qillerilluni ruujoriisarsuit piikkat Narsarmut aqqunneqarunik nalunaarsorneqassapput assinngitsutigullu suliarineqassallutik. Tassa ukioq manna aningaasat 15 -20 mio koruunit missaat atorlugit pingaarnertut paasiniassavarput, aatsitassat misissukkavut qanoq amerlatigisut soqutiginartinnerivut, taama nassuiaavoq Hans Kristian Schønwandt.

Kingorna misissugassat immikkut suliarineqaqqinnissaannut aammalu nunatsinni aningaasartuutinut arlalissuarnut aningaasat matussusiissapputtaaq.

-Ilisimasakka malillugit Kuannersuarni qillerineq, siornatigut aasaanerani ingerlanneqartartut allat eqqarsaatigalugit, asseqarnani annertunerpaajuvoq. Tassa massakkut qillerutit marluk ingerlapput, pingajuat aggutsusimi tikissaaq, Hans Kristian Schønwandt nangilluni oqarpoq.

Aatsitassat suut ujarneraat paasiniarakku oqarpoq, neop, tatal allallu aatsitassat qaqutigoortorujussit qulit saniasigut, flour, lithium, beryllium saneqqutassaanngitsumillu uran misissugassanut ilaasut.

-Uran saneqqussinnaanngilarput, aatsitassani misissugassatsinni akooreerluni ilaareermat, taama naggasiivoq Hans Kristian Shønwandt.

Aatsitassat ilai computerinut atortussiassatut atorneqartarput.

Hans Kristian Shønwandt neriunnerarpoq septembarimi naammassisinnaassallutik, kisianni aappaagu takkuteqqissanerarlutik.

Schønwandt 1998-miit 2005-p tungaanut Aatsitassaqarnermi Pisortaqarfimmi pisortaanerusimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat