Aatsitassanut Naalakkersuisoqarfimmi pisortaq nutaaq

Jørgen T. Hammeken-Holm piffissami sivisuumi Namminersorlutik Oqartussani sulisuuvoq, tassunga ilanngullugu aatsitassanut tunngassuteqartut iluini pisortatut atorfiit arlallit suliffigisimallugit. Taanna pisortaagallartutut ukiormanna januaarip aallaqqaataaniilli atorfeqartinneqarpoq.

- Jørgen T. Hammeken-Holmimik maannamut suleqateqarsimanera naammagisimaarluinnarpara. Jørgen T. Hammeken-Holm aatsitassanut tunngassuteqartut iluini ilisimasaqarluartuullunilu misilittagaqqortuujuvoq. Siunissami suleqatigiilluarnissatsinnut qilanaarpunga,  Aatsitassanut Naalakkersuisup Andreas Uldumip oqaatigaa.

Aatsitassanut Naalakkersuisoqarfimmi pisortatut atorfimmut qinnuteqartut pingasuusimapput.