Aatsitassanut Avatangiisinullu pisortaqarfiit immikkut
Avatangiisinut tunngasut aatsitassarsiornermut tunngasunit avissartinneqassapput, aatsitassarsiornissamut pilersaarutinut qinnuteqarnerit aammalu pinngortitamik mingutitsinerit, Namminersorlutik Oqartussat pisortaqarfiini assigiinngitsuni oqartussaaffigineqalernissaat siunniunneqarluni.
Avatangiisinut tunngasut pisortaqarfimmi sumerpiaq oqartussaaffigineqassanersut Naalakkesuisooqatigiit maannamut suli aalajangiiffiginngilaat. Naalakkersuisut siulittaasuata, Kuupik Kleistip ilimagaa, 2013-mi aasakkut apeqqut tamanna nalunarunnaarumaartoq:
- Uanga Naalakkesuisoqarfinni, Naalakkersuisut siulittaasuata Pisortaqarfiani, suliassaq taanna massakkut ingerlapparput. Qinersiviup uuma ingerlasup naannginnerani aalajangernissarput naatsorsuutigaarput, Kuupik Kleist oqarpoq. Naalakkersuisooqatigiit Qoornumi augustip aallartisimalernerani naapisimaarnerminni isumumaqatigiissutigaat, avatangiisinut tunngasut aatsitassarsiornermi inatsimmit avissaartsinneqassasut.