Aatsitassanut ataatsimiititaliaq: Oqaloqatigiilluarnissaq pisariaqarpoq
Finlandimilu Talvivaarami piiaaffimmut, annerusumik nikkelimik piiaaffigineqartumi, ataatsimiititaliami ilaasortat ilaatigut paasisassarsioriartorput.
Piiaaffik taanna imermik akuutissanik assigiinngitsunik akulimmik aniasoortoqarnera pissutigalugu 2012-imi matusariaqalersimavoq, iluarsaassisoqarneralu Finlandimi oqartussanit ingerlanneqarluni.
Finlandimullu angalaneq ataatsimiititaliami ilaasortanut paasisaqaffiusimaqisoq, politikerit tusagassiuutinut nalunaarumminni allapput.
Aamma atuaruk Juliane: Urani pillugu paasisaqarnerorusuppugut
Piiaaffimmut attuumassuteqartut arlallit, soorlu nakkutilliinermut oqartussat, suliniaqatigiiffiit naalakkersuisunut attuumassuteqanngitsut arlallit aamma piiaaffimmi sulisut ataattimiititap ilaasortaanit ilaatigut oqaloqatigineqarput.
Aatsitassanik piaanissamut akuersinnginnermi piiaaniartut pillugit paasisassat tamarmik qulakkeerneqaqqaartariaqartut ataatsimiititaliap ersersinniarpaa.
Aamma aatsitassarsiortut, avatangiisinik suliniaqatigiiffiit, takornarianullu sullissisut oqaloqatigiilluarnissaat pisariaqartoq, ataatsimiititaliap pingaartippaa.
Aamma atuaruk Qujaukitsoq: Inissaaleqisoqarnera pissutaalluni tusagassiortunik peqataasoqanngilaq
Ulorianartutalimmik aniasoortoqarnerata kingorna Finlandimi oqartussat tamanna anguniarlugu aamma sulissuteqalersimapput.
Finlandip naalakkersuisuisa aatsitassarsiornerup iluani inatsisiliornerit iluarsisariaqarnerannik misissuisartussamik aniasoornerup kingorna attaveqarfimmik pilersitsipput.
Oqaloqatigiinnerit unittuunnginnissaat attaveqarfiup aamma isumagisussaavaa.