Aatsitassanit isertitassat agguarneqarnissaat isumaqatigiinngissutaavoq

Pilersaarutigineqartut naapertorlugit Namminersorneq pillugu ataatsimiititaliarsuup sulinini septembarip 13-anni naammassisussaagaluarpaa.

Pilersaarutigineqartut naapertorlugit Namminersorneq pillugu ataatsimiititaliarsuup sulinini septembarip 13-anni naammassisussaagaluarpaa, kisianni isumaqatigiinngittoqarnera pissutigalugu ulluliunneqartoq taanna malinneqarsinnaajunnaarpoq.

Manna tikillugu aningaasaqarneq inuussutissarsiutinillu ineriartortitsinissaq pillugu isumalioqatigiissitami ilaasortat suut isumaqatigiinngissutigineraat oqaatigiumanngilaat.

Maannali Frank Jensen isumalioqatigiissitami tassani siulittaasuusoq oqarpoq, isumalioqatigiissitap kalaalersaasa isumaqatigiinniarnerit unitsikkallarneqarnissaat piumasarisimagaat. Tamanna pivoq danskit kalaallillu atorfilittatigut suleqatigiissitaliaata suut isertitatut isigineqarnissaat qanorlu naatsorsorneqarnissaat isumaqatigiissutigineq ajulermassuk, nutaarsiassaqartitsivik Ritzau taama allaaserisaqarpoq.

Frank Jensenip aammattaaq Ritzauimut nassuiaatigaa maannamut isumaqatigiissutaagallartumi aningaasanut tunngasut qanoq isumaqatigiissutigineqarnerat. Tamatumani Nunatta ukiumut 75 millioni koruunit aatsitassarsiornermut isertitanit pissavai. Amerlaneruppata isertitat avinneqassapput, danskit kalaallit nunaannut ukiumoortumik tapiissutigisartagaat, maannakkut 3,2 milliarder koruuniusut matussuserneqarnissaasa tungaanut.

Aatsitassarsiornermit isertitat 6,4 millarder koruuninik amerlassuseqalerpata, danskit kalaallit nunaannut tapiisutigisartagaat unitsinneqassapput.

Aatsitassarsiornermi isertitanit aningaasat amerlaninngorpata Danmark Kalaallillu Nunaat isumaqatiginniaqqittussanngussapput – soorlu Kalalallit Nunaat naalagaaffeqatigiinnermut aningaasatigut tapiissuteqarneratigut, Frank Jensen nutaarsiassaqartitsivimmut ritzau-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat