Aatsitassaannik nunatsinni ujarlerneq silaannakkut pisalissaaq

Allattoq Mads Lynge
juulip 03-at 2007 06:30

Aatsitassaannik nunatsinni ujarlerneq silaannakkut pisalissaaq. Danskit nunarsuup pinngoriartorsimaneranik immikkut ilisimasallit skyTEM-ikkut NunaMineralsip attartorsimavai, Nuup kangerluani Qussummiit Nassuttuumut 800 kilometerisut nuna isorartussusilik misissuiffigeqqullugu.

Nunarsuup nutsuinerata qanoq annertutiginera uuttortarneqassaaq, kabelilu ammalortunngorlugu 20 meterisut diameterilik qulimiguulimmik nivingatinneqartoq atorneqassaaq.

30 meterisut portutigisuminngaanniit uuttortaasoqassaaq 20-40 knobinillu sukkassuseqartumik ingerælaartoqassalluni.

Uuttueriaaseq nunap iluata ernganik uuttuinermut naatsorsuussaagaluarpoq. Kisiannili aatsitassarsiornermut atorluarsinnaasoq paasineqarsimavoq.

Qussummi kuultitalinnik kanngussartalinnillu siornatigut nassaartoqarnikuuvoq, Nassuttuumilu nikkilimik ujarlertoqassalluni, NunaMinerals paasissutissiivoq.