Aatsaat taamak angusarissaartigipput

Soraarnerussutisiassanut ilanngaat innarluutilinnut soraarnerussutisiassat ilanngullugit 7,5 procentimik qaffanneqarpoq, naartunermi, erninermi meeravissiaartaarnermilu akissarsiaqaatigaluni sulinngiffeqarneq sapaatit akunnerinik 34-inik sivisussuseqalerpoq, sulisut 58-iniit qummut ukiullit ukiumut ullunik marlunnik sulinngiffeqartalissapput kiisalu perorsaasut ukioq allortarlugu sulisitsisup akiligaanik feeriarsinnaalissapput.

Perorsaasut amerlanerusut atorfitoqqaminnut kajungernerulernissaat amerlanerusunillu ilinniartoqarnissaa Perorsaasut Ilinniarsimasut Peqatigiiffianni siulittaasup Kaaliina Skiftip neriuutigaa. Taassuma isumaqatiginninniarneq ilungersunarsimanerarpaa. Siusinnerusukkut isumaqatiginniniarnerni angusarineqartartunut Kalaallit Nunaata aningaasaqarnera killilersuisarsimasoq Kaaliina Skiftip oqaatigaa.