Assi: Youtube

Aatsaat taama sukkatigisumik Rusland avannaqqullugu kangianut aqqutikkoortoqartoq

Umiarsuaq gassimik assartuut, umiarsuarni nunarsuarmi siullersaalluni, umiarsuarmik sikunik aserorterummik ingiallorteqarani Rusland avannaqqullugu kangianut aqqutikkoorsimavoq.

Umiarsuaq assartuut Christophe de Margerie Rusland avannaqqukkamiuk aamma sukkasimaqaaq, umiarsuimmi tassuunaqquuttut ilaat aatsaat taama sukkatigisimammat. Norgemit Korea Kujallermut ingerlaarnermini ullut 19-it atorpai. Aviisip The Guardianip nittartagaani tamanna atuarneqarsinnaavoq.

Umiarsuit Suezkanalikkoorlutik ingerlaartarnerannut sanilliullugu tamanna 30 procentinik sukkanerusoq, umiarsuup piginnittuata Sovcomflotip, Ruslandimeersup, nalunaarutigaa.

Issittup imartaata sikua upernaakkut aasakkullu aattarpoq, ukiuuneranilu sikoqqittarluni. Silalli pissusiata allanngoriartornerata kingunerisaanik siku annertunerujartuinnartumik aattalerpoq, ukiullu qulikkaat pingasut kingulliit ingerlaneranni aatsaat taama aatsigaluni.

Umiarsuit assersuutigalugu Rusland avannaqqukkaangamikku umiarsuarnik sikunik aserorterutinik maannamut ingiallorteqartariaqartaraluarput, Christophe de Margerieli umiarsuarni siullerpaalluni kisimi tassuunaqquussinnaasimalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat