Aatsaat taama ititigisumut aqqartoqartoq: Manerassuup itinersua eqqakkanik nassaarfiusoq
![Fisk svømmer rundt foran ubåden. Foto: Scanpix Fisk svømmer rundt foran ubåden. Foto: Scanpix](/sites/default/files/styles/image_934x467/public/article_images/scan2.jpg?itok=mpDkDQDj)
![Et menneskeskabt objekt på bunden af Stillehavet kan ses til højre. Foto: Scanpix Et menneskeskabt objekt på bunden af Stillehavet kan ses til højre. Foto: Scanpix](/sites/default/files/styles/image_934x467/public/article_images/scan1.jpg?itok=g9u89Gjs)
![Den pensionerede søofficer Victor Vescovo i sit særligt designede fartøj. Foto: Scanpix Den pensionerede søofficer Victor Vescovo i sit særligt designede fartøj. Foto: Scanpix](/sites/default/files/styles/image_934x467/public/article_images/scan3.jpg?itok=nqFUFcMG)
![Skibet DSSV Pressure Drop ved Marianergraven i Stillehavet. Foto: Scanpix Skibet DSSV Pressure Drop ved Marianergraven i Stillehavet. Foto: Scanpix](/sites/default/files/styles/image_934x467/public/article_images/scan4.jpg?itok=YiaV0Phe)
Manerassuup itinersuani, danskisut Marianergravenimik taaguuteqartumi, plastikkiusorineqartumik nassaartoqarpoq.
Amerikamiormi Victor Vescovo aatsaat taama ititigisumut aqqarnermini, tassalu Manerassuarmi itinersuarmut meterinik 10.928 ititigisumut, plastikkiusorisaminik nassaarsimanerarpoq.
Marianergraven siullerpaamik 1960-imi aqqarfigineqarpoq, maannalu aatsaat taama ititigisumut aqqartoqarluni. Siornatigut rekordiusoq Victor Vescovop meterit 16-it missaannik qaangerpaa nalunaaquttallu akunnerini sisamani immap naqqaniippoq.
Nassaarineqartut misissoqqissaarneqassasut
Aqqartaat immikkut ilusilersugaq atorneqarpoq. Taassumalu timitaa titaniumimik 90 millimeterimik sanaajuvoq kilometerinillu aqqanilinnik itissusilimmut naqitsineqartupilussuarmut aqqassutigineqarsinnaasunngorlugu sanaajulluni.
Victor Vescovop immap naqqani uumasut siornatigut ilisimaneqanngitsut sisamat nassaarivai, ilaatigut kinguppak siuterorlu imarmiu. Aammali plastikkiminiusorisaminik, mamajukujunnut poortuutikuusorisaminik saviminiaqqanillu nassaarsimavoq.
Ilisimasassarsiortullu oqaaseqartartuat, Stephanie Fitzherbert, naapertorlugu nassaarineqartut ilumut plastikkiunersut uppernarsarniartussanngorpoq.
Imavissuarni plastikkinik eqqakkat Naalagaaffiit Peqatigiinnit 100 millionit tonsiussasorineqarput.