Aatsaat taama isertitaqartigaaq
Taamatuttaaq aningaasat kaaviiartinneqartut 889 miliuunit koruunit aatsaat taama amerlatigaat.
- Sulisut naammassisaqarluarnerat minnerunngitsumillu aningaasartuutinik nalimmassaaneq angusarissaarnitsinnut peqqutaalluinnarput, pisortaq Per Steen Larsen oqarpoq.
Sanaartornerit nutarterinerillu assigiinngitsut Pisiffimmit ukiup ingerlanerani piviusunngortinneqarput. Qaqortumi Jyskip immikkoortortaqarfia allilerneqarlunilu nutarteriffigineqarpoq Maniitsumilu Butikshusi aamma nutarterneqarluni.
- Nuummi illoqarfiup qeqqani sanaartorneq pilersaarutit naapertorlugit ingerlavoq, aamma Qaqortumi SB Butik allilerneqarlunilu nutarteriffigineqarpoq Nuullu Qinnguani Spar Butikimik nutaarluinnarmik sanaartortoqarluni, taamaasillutik niuertarfiutivut ullutsinnut naleqqussarnerat naammassilersutut isikkoqarpoq, Per Steen Larsen oqarpoq.
Kalaallit Nunaanni aningaasaliissutissat assigiinngitsut ukiunut tulliuttunut pilersaarutigineqartut, Per Steen Larsenip ilanngullugu oqaatigaa.
Pisifiik ukiormanna aamma suliffeqarfittut namminersortutut ukiunik qulinngortorsiorpoq.