Aatsaat taama angusarissaartigaaq

Unammisuni 155ini 65itut inissippoq. Nunat assigiinngitsut akornanni unamminermi kalaallini sisoraluni ooqattaasartuni pitsaanerpaamik angusaqarpoq, Ujakkaajutigaluni Ooqattaasartut Kattuffiat taama allappoq.

Unammiffimmi 20 km-isut isorartutigisumi sisamaria ooqattaaffissaqarpoq.

- Martell ooqattaasarfimminik tusaamasaanerluppoq. Ooqattaaffissaq 1600 meterisut portutigisumiittoq qaqqarsuit marluk akornanni inissisimavoq. Anoreqanngiiveriarluni tassanngaannaq anorlilersinnaasarpoq ingerlaannarlu anorlerunnaaqqissinnaasarluni. Sisorartullu ooqattaalernerminni anoreqaleriasaarsinnaanera eqqarsaatigisartussaavaat, Ujakkaajutigaluni Ooqattaasartut Kattuffiat taama allappoq.

- Ooqattaanermi siullermi Kristian Kristoffersen ataasiaannaq uniorpoq. Nikorfallunilu ooqattaasarfinni kingullerni marlunni uniunngivilluni. Kristian Kristoffersen russerlu pingajuusoq unammisuni 155ni kisimiillutik taama ooqattaariallaqqitsigipput, Ujakkaajutigaluni Ooqattaasartut Kattuffiat taama allappoq.

Øystein Slettemark unamminermut aamma peqataavoq, Kristian Kristoffersenitulli angusarissaartiginani. Angusani 9 minutsimik ilasariaqarsimavai, taamaasillunilu unammisuni 155ini 94iulluni.

Sisorarlutik ooqattaasartut taakku marluk aamma sukkasuumik ujakkaarnermut 10 km-isut isorartutigisumut ilaassapput.