Aasiveeraq kujataani ammarneqarpoq

Nanortallip eqqaani Aasiveeraq ullumi ualilluinnaraa nalunaaqutaq tallimanut aallartippoq, ulluni pingasuni ingerlanneqassalluni.

Ilaqutariit ukiui ukiuni qulini ingerlanneqartut, aasiveqartarnerullu ingerlatiinnarneqarnissaa ilaatigut tunngaviupput, Nanortallip pigisaani Narsarmijit eqqaani Nuussuarmi siornali Aasiveeraq ingerlanneqartalermat. Kujataani pinaveersaartitsisut meeqqanut sumiginnaasarneq pillugu oqallitsitsissapput, kujataani nipilersortartut assigiinngitsut, ilaatigut Piitsukkut nipilersortassallutik. Nipilersortartullu ilisarisimaneqarnerit ilaat DDR-ikkut Tupaarnaq Mathiassenilu angallannerup aaqqissuussaanera pisuulluni apuutinngitsoorsimasut aaqqissueqataasoq Maqe Bianco oqarpoq.

- Nipilersortussat allannguuteqarput, nipilersortartut tusaamasaanerusut avannaaninngaanneersut tikinngitsoorneri peqqutaallutik. Taakku angallannermi ulikkaarussaaqqagamik upernaap ingerlanerani, taamaattumik allanik pissarsivugut, Arsumminngaannit kujammut nipilersortartut tikissallutik. Maqe Bianco taama oqarpoq.

Aamma oqarpoq, pingasunngorpat pinaveersaartitsinermut tunngasut oqallitsitsinertallit ualikkut sammineqassapput, unnukkullu nipilersornerit ingerlanneqartassallutik. Sisamanngorpat naggataartoqassaaq, Nanortalimmi tallimanngorpat tusarnaartitsisoqarnissaa peqqutigalugu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat