Aasianni tunillatsittoqartoq
Pineqartoq angerlarsimaannarsimammat Aasianni tunillaassuutilernissaa suli ilimananngitsutut nalilerneqartoq, Naalakkersuisut allapput.
Tunillatsissimasutut ataasinngornermi paasineqartoq tunillatsissimasunut marlunnut qanigisaavoq.
Allattoq Malik Brøns
decembarip 28-at 2020 15:44
Nutserisoq Ivik Kristiansen
Inuit marluk covid-19-imik tunillatsissimasut Aasianni sataatit akunnerata siuliani pingasunngormat paasineqarpoq.
Allalu tunillatsissimasoq pingasunngormalli ullut tallimat qaangiuttut paasineqarpoq.
Tunillatsissimasutut ullumi ataasinngornermi paasineqartoq tunillatsissimasunut marlunnut qanigisaavoq.
Naalakkersuisut Facebookkikkut taama allapput.
- Pineqartut tunillatsissimasunut marlunnut qanillinermik kingorna angerlarsimaannarput, aammalu nammineq oqaatigisaat malillugit angerlarsimaannartussaatitaanertik tamakkiisumik malissimallugu. Taamaattumik Aasianni tunillaassuussinnaaneq suli killeqartorujussuartut naliliiffigineqarpoq, Naalakkersuisut allapput.
Nunatsinni tunilltsissimasutut uppernarsarneqarsimasut maanna 27-upput.
