Aasianni tillinniat tigusarineqarput
Aasianni Pilersuisup quersuani sapaatip-akunnerata naanerani tillinniarsimasut inuusuttut angutit pingasut 15-niit 18-nut ukiullit politiit tigusaraat.
Tillitanik pisisimasut arlallit aamma unnerluutiginissaat politiit ilimagaat.
Mobiltelefuuninut Tusassilinnut immiissutit 100, 200 500 koruunillu nalinginut imallit arlalissuit tillinneqarsimapput, tusinderpaalussuarnik nalillit, aamma mobiltelefuunit assigiinngitsunik ilisarnaatillit qulit 20-lluunniit immiaaqqallu karsit arlalissuit.
Tillinneqartut millionit affai sinnerlugit naleqarsimapput.
Tillinniarnerit Radioaviisimi tusarliunneqareersullu tillinniat nassaarineqarsinnaasimapput, pinerluttaalisitsisoq Kristian Toft oqarpoq.
- Misissuinissatsinni ikiorsinnaasimagatsigut nuannaarutigeqaarput, Kristian Toft Radioaviisimut oqarpoq.
Angutit inuusuttut taakku pingasut angajoqqaaminnut angerlartinneqareersimapput, tilliniarsimasutulli unnerluutigineqassallutik.
