Aasianni raajaleriffik ammaqqilerpoq

juulip 06-at 2007 16:12

Royal Greenlandip Polar Seafoodillu suleqatigiilernerisigut, Aasianni raajaleriffik siornaak 2005-imili matuneqartoq ammaqqittussanngorpoq.

Suleqatigiinnerup piviusunngortinnissaanut piareersarnerit aallartissapput, Aasiannilu tunisassiorfik tunisassiassanik 2008-p aallartinneraniit tigooraasinnaalissasoq, Royal Greenlandip pisortaanera Flemming Knudsen nalunaarpoq.

Aasianni tunisassiorfimmi sulisut ullumikkut quliusut raajalerineq ammaqqippat 60-inngornissaat naatsorsuutigineqarpoq.

- Royal Greenlandimi aqutsisut nutaat kissaataat naapertorlugu suleqatigiittoqalerpoq, Qeqertarsuup Tunuani aalisakkanik tunisassiornerup pitsaasumik siunertaqarnerusumillu ingerlalernissaa sulisorisallu sumiinnerat eqqarsaatigalugit, Royal Greenlandip pisortaanera Flemming Knudsen allappoq.

Aasianni raajaleriffiup ammaqqinnerata saniatigut qalerallerineq aamma annertusineqassaaq, Kitaata qaleraliinik Aasiannut tulaassisussaatitaanermik atuutilersitsinikkut, tassungalu atatillugu Qasigiannguit qalerallerivianni qaleralinnik tisaartorfimmik pilersitsisoqassasoq Flemming Knudsen allappoq.