Aasianni politiit unnuaq ulappussimapput
apriilip 30-at 2006 16:45
Aasianni politiit unnuaq ulappussimasut, pigaartoq David Kofoed oqaluttuarpoq. Sulisut immikkut suliartoqqusaasaraqarsimapput, inuillu aqqaneq marluk tigusarineqarsimallutik.
Pisut tamarmik imigassartorsimanermik peqquteqarput. Politiit oqaluttuarput persuttaasoqarsimasoq, angerlarsimaffinni eqqissiviilliortoqarsimasoq, attualaarisoqarsimasoq, meeqqanillu sumiginnaasoqarsimasoq.
Artuleqqasunut atoqateqarsimasunik marlunnik unnerluutiginnittoqarsimavoq.
Politiit pisumut tunngatillugu angut tigusarisimavaat, ualimannalu eqqartuussivimmi sassartinneqarpoq.
Angut 23-nik ukioqartoq, ulluni 14-nini tigummigallagassanngortinneqarpoq.