Aasianni Nuummilu nipilersortartunik tusarnaartitsisoqalerpoq
Aasianni nipilersortartunik tusarnaartitsineq Nipiaa Rock Festival unnugu aallartissaaq aamma Nuummi inuusuttunut meeqqanullu nipilersornermik tusarnaartitsineq Nuuk Festival unnugu aallartissalluni.
Nipilersortartut ilisimaneqarluartut Zikaza unnugu Aasianni Nipiaa Rock Festivaleqarnerani tusarnaartitsissapput, Ole Kristiansen aamma nipilersortartoqatigiit Kalak aqagu tallimanngornermi arfininngorpallu tusarnaartitsissallutik.
Aasianni Nipiaa Rock Festival Aasiaat timersortarfianni arfininngornerup tungaanut ingerlanneqassaaq unnukkut qulinut aallartittassalluni. Nipiaa Rock Festivaleqarnerani Inuit Nunaanni Nipilersortartut Kattuffiaata nipilersortartunut nersornaasiuttagaa siullermeertumik tunniunneqassaaaq. Nipilersortartut sisamat nersornaaserneqassapput, tassalu guitarillammak, tumerparpaallaqqinneq, erinarsullaqqinnerpaallu marluk nersornaaserneqassapput.
Nuummi Nuuk Festivalertoqarnerani nipilersortartut ilisimaneqarluartut Aalut aqagu unnukkut tusarnaartitsissapput, arfininngorpat tusarnaartitsissaaq nipilersortartut Smokiekkut guiterartorisimasaat Alain Silson aammalu nipilersortartoqtigiit DDR Qeqertarsuarmeersut tusarnaaritsissallutik.
Nuuk Festival 2009 Nuummi timersortarfimmi Godthåb Hallen-imi ingerlanneqassaaq, aqagu tallimnngornermi unnukkut qulinut aallartissalluni, tusarnaariallu qilingiluanit isersinnaaleriisassut Nuuk Festivalimi aaqqissuisut nalunaarput.
