Aasianni Nipiaa RockFestival ullumi aallartissaaq
Nipiaa RockFestivalip aallartinnissaanut piareersimallutik aaqqissuisut siuttuat Peter Olsen oqarpoq.
Allattoq Thora H. Nielsen
septembarip 05-at 2014 03:19
- Pilersaarutivut tamarmik ajunngitsumik ingerlapput, RockFestival ullumi aallartissaaq piareersimalluni.
Aasianni ippassaq seqinnerpoq avannerlunili, nunattalu ilaani siallermat umiatsiaaqqanik Aasiannut ikaarlutik tusarnaariartoqartarmat aqqutigissaarnissaat Peter Olsenip neriuutigaa.
- Angallannerup tungaatigut ajutoortoqannginnissaa neriuutigaara, ukiassalernerani anorip takkuttarnera malunnartarami. Neriuppunga aqagu unnuulluunnit ingerlanerani atorsarorumaartoq, taamalilluni atoruminarsillunilu angallavigiuminarsiumaartoq, Peter Olsen ippassaq apersorneqarluni taama oqarpoq.
Nipiaa RockFestivalimi appittussat tassaapput Nanook, Inuit Feet, Small Time Giants, Kimmernaq, Jenseeraq aamma Siissisoq.
