Aasianni inissiaq ikuallattoq
februaarip 09-at 2006 07:28
Aasianni ippassaq ullaap tungaani ikuallattoqarmat, ilaqutariit sisamanik inuttallit putsumik iijoraasimanermik eqqorneqarput aammalu marluk uutiterujussuarlutik.
Anaanaq panialu uutitersimaqisut katsorsarniarlugit danmarkiliaanneqarnisaat ilimagineqarpoq.
Inissiami meeqqap innernik pinnguarsimanerata kingunerigunagaanik ikuallattuulerneq aallartissimassasoq, Aasianni Politiit oqarput.
Ikuallannerup kinguneranik uutitersimasut maannakkut Aasianni napparsimavimmi uninngatikkallarneqarput, allallu marluk, tassa meeraq inersimasorlu ikiuigasuartartunit ikiorserneqarsimasut, Aasianni politiini stationslederi Niels Tønnesen oqarpoq.