Aasianni illua´tungiliuttut borgmesterinngortitsissapput

Aasianni kommunalbestyrelsemut qinersinermi IA ajugaarujussuaraluartoq, maanna ikinnerussuteqaleriasaarnera, borgmesterissatut piukkunneqarsimagaluartup Ane Hansenip tupigusuutigaa.

- Tamatsinnit pisut tupinnaqaat, aamma innuttaasut oqartussaaqataanerannut tunutsineq killuussinerlu taamaattoq innuttaasunik minnerunngitsumik aalassatsitsivoq, Ane Hansen oqarpoq.

Kommunemut qinersinermi kingullermi IA sinnerlugu qinigaasut marluk, tassaasut Leo Rosing aamma Enok Sandgreen, attaviitsunngorlutik IA-mit tunuarput. Aasianni maannakkut borgmesterissatut piukkunneqalerpoq attaviitsunngoqqammersoq Enok Sandgreen, piukkunneqarnini pillugu ima oqarpoq;

- Tassa uanga siulliullunga minnerpaamilluunnit neqerooruteqanngilanga taamatut inissinniarnissannut, kisianni tamarmik saaffigimmannga tiguara, Enok Sandgreen oqarpoq nangillunilu;- ippassaq raatiukkut tusarpara Inuit Ataqatigiit tallimaanngorsimasut, taamaasillungalu paasivara IA-mit naatsorsuutigineqarunnaarsimallunga. Aamma tusarpara ilaginanga Atassummut isumaqatigiinniarsimasut, taamaammat naatsorsuutigineerussimagama IA-mit tunuarpunga. Enok Sandgreen Aasiaat kommunalbestyrelseanut IA sinnerlugu qingigaagaluarluni politikeritut ineriartorusukkami IA-mit tunuarpoq.

- Nalilersuutima ilagilluinnarpaat Inuit Ataqatigiit Kattuffianninngaannit paasigakku borgmesterissatut piukkunneqarnanga, aamma sassartaanngilanga, kisianni paasivara ineriartornissanut killilersorneqalerlunga, Enok Sandgreen nassuiaavoq.

Aasianni Inuit Ataqatigiit ikinnerussuteqaleraluarlutik tatiginassusertik innuttaasunillu tatigineqarnertik atorlugu suleqqissasut, Ane Hansen oqarpoq.

Aasianni kommunalbestyrelsemut qinersinermi Inuit ataqatigiit sinnerlugit Ane Hansen 419-nik taaguunneqarluni qinigaanerpaavoq. Borgmesteritut piukkunneqartoq Enok Sandgreen 62-nik taaneqarsimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat