Aasianni ilinniartut ilinniarnerminnik unitsitsisartut ikiliartupiloorsimapput

Ilinniartut ilinniarnerminnik unitsitsisarnerat annikillisarniarlugu ilinniartunik Aasianni siunnersuisartut iluatsitsilluarunarput. Piareersarfimmi ilinniarnertunngorniarfimmilu ilinniartut 65 procentii ilinniarnerminnik 2006-imi unitsitsiinnarput. Taamaalereersoq siunnersuisarfimmik pilersitsisoqarpoq, ilinniartullu ilinniarnerminnik unitsitsiinnartut siorna 25 procentiinnanngorsimallutik.

Ilinniartunik siunnersortit saniatigut inuup pissusiinik ilisimasallit atorneqarput. Ilinniartummi ajornartorsiutaat assigiinngitsorpassuupput, ilinniarnermi ajornartorsiutit saniatigut inuttut ajornartorsiuteqartoqarmat.Suliniummik ataqatigiissaarisoq siunnersorti Peter Frederik Gedionsen ima oqarpoq:

- Datateknikeritut ilinniartunngorniat kukkusumik siunnersorneqartarsimapput, GU-mik naammassisaqarsimanissaat oqaatigineqartarsimalluni. Kisianni ilinniarnertuutut naammassinnissimanissaq matumani piumasaqaataanngilaq. Imaappoq, atuarfimmi siunnersuineq aamma pisooqataavoq ilinniartut ilinniarnerminnik taamaatitsitsiinnartarnerinut, Peter Frederik Gedionsen oqarpoq.

Angajoqqaat matumani aamma pisooqataasut Peter Frederiksen Gedionsen oqarpoq, meeqqatik pinngitsaalipajaartarmatigit, ilinniarusunngisaannut sapigaannulluunniit saatsittaramikkit, siunnersorti oqarpoq. Taassuma aamma oqaatigaa meeqqat atuarfianni siunnersuisarneq amigaateqartoq.

Ilinniartunut siunnersortinik Kalaallit Nunaanni aamma amigaateqartoqartoq Peter Frederik Gedionsenip oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat