Aasianni ilinniarnertuunngortut aallaasersorfigitittut

Sisamanngormat juunip ulluisa 30-anni ullaassakkut Aasianni inissiat ilaanni ilinniarnertuunngortut katerisimaaneranni kammattoqalersimavoq. 

Siullermik angut 30-nik ukiulik peqataasut arlallik nakuuserfigisimavai, kingornalu toqunniarlugit siorasaarisimalluni.

Poitiit paasisaat naapertorlugit angut aallaammik aallersimariarluni 500 meterisut angasitsigisumiit inissiap kateriffiusup tungaanut arlaleriarluni aallaammik igeriaqattaarsimavoq. 

Kinguninngualu 60 meterisut ungasitsigisumiit illup tungaanut aamma igeriaqattaarsimalluni. 

Qujanartumik inunnik ajoqusertoqarsimanngitsoq politiit nalunaarummi allapput.

Pisup kinguninngua politiit aggersinnaasimapput angullu aallaasersortoq tigusaralugu. Angut 30-nik ukiulik killisiorneqareerluni ulluni 28-ini tigummigallagassanngortinneqarsimvoq.

- Ilinniarnertuut ullumi nuannersumi pikkuarnartumil tujorminartumik misigisaqarsimassasut qularnanngilaq, Aasianni politeeq Preben K. Nielsen oqarpoq.