Aasianni ilinniarnertuunngorniarfimmi inissat 90-it amigaataalissapput

Rektori Flemming Guntofte Nielsen ima oqarpoq:

- Aaqqiinniarneq atuuttuartussanngilaq massakkulliuna qanoq iliuusissaarunnerup kinguneranik taamaaliorniartugut. Ilinniartunut inissat massakkut amigaatigaavut. Massakkut aaqqiiniarnerput ilinniarfiup tunuani ininik assakaasulinniittussanik aaqqinniarsaraarput.

Flemming Guntofte Nielsenip erseqqissarpaa aaqqigallarneruinnartussaammat. Ilinniartut inissaannik sanasoqartussaasoq neriorsorneqarnikuuvugut kisianni augustusip aallaqqaataa nallertinnagu naammassisinnaanngimmata pilertortumik aalajangertariaqarsimavugut ilinniartut takkuttussat inissaqartinniarlugit.

Init assakaasulimmiittut massakkorluinnaq aaqqiivigineqanngippata illorfimmi inissarsiorniartariaqassaagut attartorluta tamannalu 2009-mi akisusimavoq tassa 4 million koruuninik amigartoorpugut.

Flemming Guntofte Nielsen aamma oqarpoq aningaasaqarnertik ukioq kingulleq imminut ataqatigiinngilluinnartuusimasoq tassa ininik attartortarnermut aningaasartuutit naatsorsuutigineqarsimanngimmata. 4 millionikoruunit ilinniartunut atorneqarsimasinnaalluarneraraluarpai soorlu atortunut aammalu ilinniartunut ataasiakkaanut ilinniartitsisut tiimiinut atorsimasinnaagaluarpavut.

Ilinniartut 400-it missaat augustusimi aallartissapput ilinniarnertuunngorniarfik piulermalli aatsaat taama amerlatigalutik. Ilinniartut inissaat 50-inut inissalik 2012-imi aatsaat piareersimasussaavoq.