Aasianni IA-mit aniapput

Aasianni Inuit Ataqatigiit akornanni suli eqqissiviilliortoqarpoq. Kommunalbestyrelsemi qinersinermi kingullermi, IA sinnerlugu qinigaasoq Peter Frederik Gedionsen IA-miit anisimalluni raatiuaviisimut oqarpoq. Qaammat kingulleq Aasianni Inuit Ataqatigiit sinnerlugit kommunalbestyrelsemut qinikkat marluk, tassaasut Leo Rosing aamma Enok Sandgreen attaviitsunngorput. Aasianni IA-p iluani isumaqatigiinngittoqarnera, aasianni IA-p siulittaasuata tulliata Inuaraq Petersen-ip ima patsisilersorpaa.

- siullermik oqaatigissavara, maannakkut pisut nutaajunngimmata. Qinigaaffiit siuliininngaannit ajornartorsiutit taakku pilersimapput. Aamma inuit nutaat maannakkut ilaasortanngorput, nutaannginnerillu qangali ajornartorsiutigisarsimasatik uteqqiinnarpaat, Inuaraq Petersen oqarpoq nangillunilu;- Peter Frederik Gedionsenip aninera ajuusaarnaraluarluni tupassutiginngilarput, qangalili inuttut ajornartorsiuteqartarsimammat. Sisamaannaagaluarluta sulineq ingerlaannassaaq.

Inuit taakkua anisut siornatigut qinigaasarsimapput, taakku akornanni ajornartorsiuteqartoqaartarsimavoq, uagullu nutaat malugisimanngilarput. Ajornartorsiutit nammineq pilersitatik aaqqinnagillu IA-miit anipput, uagullu nutaat pingasuusugut inuussutigisariaqarlugit.

Taama oqarpoq Aasianni Inuit ataqatigiinni siulittaasup tullia Inuaraq Petersen. Ilanngullugu aamma oqaatigaa allanik anisoqarnissaa ilimananngitsoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat