Aasianni GM-imut uniinnartoqaaluppoq
Pilersaarutit malillugit angutit Aasianni GM-qarneranni iligiit peqataasut 27-iusussaagaluarput. Aaqqissuisulli tupaallaatigaat paasinarsimmat iligiit 22-iinnaat peqataasussanngortut, taama timersoqatigiit kattuffiat nittartakkamini ilisimatitsivoq.
Taamaammat unamminissanut pilersaarut nutaaq suliarineqartariaqarsimavoq.
- Maanna tassa tamarmi inissilluareerput unamminerpaalussuillu timersortarfimmi ingerlanneqarput. Ukiormanna assut naligiiffiusumik pissartanngorniunnerit ingerlapput. Maannamut suli ajugaarujussuartunik takunngilagut, taama aaqqissuisut T-41 sinnerlugu Tittus Dalager GIFip nittartagaanut oqarpoq.
Sapaammi ualikkut finale ingerlanneqassaaq.