- Imerniartarfiutilinnut inassutigerusuppara: Matugitsi tamatuma nalaani, tassami tassuunakkut siaruaatsitsineq pisarpoq, Ane Hansen KNR-imut oqarpoq. Assi: Qeqertalik Kommunia

Aasianni coronamik tuniluuttoqarfiusumi borgmesteri: Imerniartarfiit akissarsiffimmi matoqqatinneqarlik

- Imerniartarfiutilinnut inassutigerusuppara: Matugitsi tamatuma nalaani, tassami tassuunakkut siaruaatsitsineq pisarpoq, Ane Hansen KNR-imut oqarpoq.

Aasianni Qasigiannguanilu coronamik tunillatsissimasut maanna 20-upput.

Tunillatsissimasut Aasianni Nanuaqqami, Nanumi, Tulukkamilu tallimanngornermi juulip ulluisa 23-anni arfininngornerullu unnuaani juulip ulluisa 24-anni imerniartarfissiorsimasut tallimanngormat saqqummiunneqarpoq.

Taamaammat allamik tunillatsissimasoqarnissaa oqartussanit ernumassutigineqarpoq – tunillatsittoqarsimavorlu: Kommunimi tallimanngornermi tunillatsissimasut marloriaataat maanna tunillatsissimasuupput.

Taamaammallu borgmesterip, Ane Hansenip (IA) Aasianni imerniartarfiit matoqqatinneqarnissaat inuillu imminnut eqitaannginnissaat kaammattuutigaa:

- Imerniartarfiutilinnut inassutigerusuppara: Matugitsi tamatuma nalaani, tassami tassuunakkut siaruaatsitsineq pisarpoq, Ane Hansen KNR-imut oqarpoq. 

Delta Danmarkimi tuniluunnerpaasoq

Coronavirusit ilaat tuniluutianerusoq Delta nunatsinniippoq. Taanna Danmarkimit timmisartorsuarmut juulip ulluisa arfernanni ilaasut tunillatsissimaneratigut nunatsinnut eqqunneqarpoq, tassangalu Ilulissanut, Sisimiunut, Nuummut Qaqortumullu siaruaappoq.

Tamanna nakorsaaneqarfiup tupaallaatiginngilaa – coronammi ilaat delta Danmarkimi juulip qaammataa tamaat tuniluunnerpaavoq.

- Inuit Delta varianti ernumassutiginerugaat malunnarpoq, Ane Hansen oqarpoq.

AAMMA ATUARUK Aasiaat: Tunillanneqarsimasoq sapaatip akunnerata siuliani imerniartarfinniissimasoq

- Uagut kalaallit inussiarnernermik aasarsuummallu inuit angallannerata tikeraallu nalaanni inuit sivisuumik takusimanngeriarlutik piutigisarpaat imminnut eqitaartarlutik imminnullu kutaartortarlutik. Eqqaamaqqunarpoq tuniluuttoq delta variantiummat,

- Qaammatip naanerani imigassaq aqqutigalugu imerniartarfinni inuit allatut ilassiuuttarput.

- Taamaammat inassutigerusunnarpoq eqitaarinerit tunuarsimaarfigeqqullugit, eqitaarisoorsimagaannilu inuit kajumissaarusunnarput piaartumik misissorneqarnissartik isumagisassagaat, Ane Hansen oqarpoq

Meeqqeriviit suli matoqasut

Aasianni meeraaqqeriviit: Kulloq aamma Vaava aamma matoqqapput. Taakku angajoqqaat akornanni tunillatsissimasoqarnissaanik pasitsaassaqartoqarnera pissutigalugu matuneqarput.

Meeqqerivinni sulisut angerlartinneqarput angajoqqaallu angerlarsimaannaqquneqarlutik.

Kulloq aggustip ulluisa qulingata tungaanut matoqqagallarpoq.

Isummersuutit

Nunatsinni coronavirusi pillugu
killiffik

Tunillatseqqasut 126  
Ullumi tunillatsittut 35  
Siullermik kapitissimasut 40.955  
Aappassaa kapitissimasut 35.924  
Tunillanneqarsimasut 504  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Septembarip 21-iat 12:00
 

Coronavirusimik tunillatsinissaq pinaveersaaruk