Aasiammiut GM-mi finalelerput

GM-mi finalertutssat arfininngornermi ualip ingerlanerani paasinarsipput unamminerit Nuummi illorsuarmi timersortarfimmi ingerlanneqarmata.

Tassani paasinarsivoq Norsaq HC Aasianneersoq finaleqqittussanngortoq tassanilu SAK Sisimiuneersoq unammissavaat. Finalemullu arfininngornermi qilanaartuusiisoqarpoq Norsaq HC aamma SAK unammimmata. Unamminerli taanna sioqqullugu kikkut finalertussaanerat inissereerpoq taamaammat eqqissillutik imminnut unammerujoorsinnaallutik. Tassani SAK 29-27-mik ajugaavoq.

Nukappissani bronzennanniutissapput GSS Nuummiik aamma Kâgssagssuk Maniitsumiik.

Niviarsissani finalertussanngorput NÛK aamma Kâgssagssuk taakkulu aamma arfininngornermi imminnut unammimmata Kâgssagssuk ajugaallualaavippoq 25-16-mik taamalu finalemi ajugaassangatinneqarlutik.

Niviarsissani bronzennanniunissapput Nagdlúnguak aamma SAK.

Aajuku arfininngornermi angusat:
SAK – GSS 28-27 (nukappissat)
Kâgssagssuk – NÛK 29-23 (nukappissat)
Norsaq HC – Nagtoralik 30-26 (nukappissat)
NÛK – Kâgssagssuk 16-25 (niviarsissat)
GSS – Kâgssagssuk 32-27 (niviarsissat)
GSS – SAK 21-21 (niviarsissat)
NÛK – Nagdlúnguak 23-17 (nukapissat)
Norsaq HC – SAK 27-29 (nukappissat)

Aajuku sapaaammi unamminissat:
Nal. 10.00 GSS – Norsaq HC (normu 5-nngorniunneq) niviarsissat
Nal. 11.10 Nagtoralik – NÛK (normu 5-nngorniunneq) nukappissat
Nal. 12.20 Nagdlúnguak – SAK (bronzennanniunneq) niviarsissat
Nal. 13.30 GSS – Kâgssagssuk (bronzennanniunneq) nukappissat

Nal. 14.45 Kâgssagssuk – NÛK (finale) niviarsissat
Nal. 16.05 SAK – Norsaq HC (finale) nukappissat