Aasiami ataatsimiinneq
Taamaalillutillu ukiuni qulikkaani arlalinni akeqqersimaarnertik taamaatillugu.
Japanip nunanut sanilerisaminut taakkununnga siornatigut sakkutuulersortarnini eqqaamaneqarnerluutigaa. Kisianni ullumikkut ataatsimeeqatigiinnermi suleqatigiinnissaq kisimi eqqartorneqarpoq.
- Kina, Japan aamma Korea Kujalleq Aasiami nunarsuarmilu aningaasarsiornermi pingaarutilittut ajornartorsiut iliuuseqarfigisariaqarpaat. Oqaloqatigiittariaqarpugut aningaasarsiornikkullu ingerlatsinitsinnik naleqqussaalluta, aamma Aasiap kangiani aningaasarsiornikkut suleqatigiittariaqaratta, Kinami ministeriuneq Wen Jiabao, taama oqarpoq, Japanip ministeriunera aamma Korea Kujalliup præsidentia peqatigalugit Japanip kujataani tusagassiortunik katersuutsitsinerminni.
Nunat taakku siuttui aningaasarsiorneq pillugu aatsaat siullermeerlutik ataatsimeeqatigiipput.
- Kinap, Japanip Koreallu Kujalliup ataatsimeeqatigiinnerat pingaaruteqarluinnarpoq, nunagisatta suleqatigiillutik aningaasarsiornikkut ajornartorsiorneq, nunarsuarmiunut annilaarutaaqisoq qaangerniartariaqarpaat, Kinap ministeriunera oqarpoq.