Politiit nalililerpaat ilisimannittoq taanna paasissutissanik suliamut pingaarutilinnik nassuiaateqarsinnaasoq.Assi: Pauli Wille

Aasiaat: Politiit toqutsisoqarsimasinnaanerani takunnissimasinnaasumik ujaasisut

Aasianni Politiit niviarsiaqqap aqqanilinnik ukiullip toqungasup nassaarineqarneranut atatillugu ilisimannittumik ujaasipput.

Videokkut nakkutiginnissutit misissorneranni paasineqarpoq, ilisimannittoq KJ Greenland a/s biilileriffia nalunaaqutaq 21.28 sanioqqukkaa. Ilisimannittoq arlaannik nunamit tigusaqartoq takuneqarsinnaavoq.

Ilisimannittoq paasissutissanik suliamut pingaarutilinnik nassuiaateqarsinnaasoq

Ilisimannittoq angutaavoq, taartunik naatsunik nujalik, 170 centimeterit aamma 180 centimeterillu akornanni angitigigaaq, taartumik kavaajaqarpoq, aaqqateqarpoq, tungujortunik qarlippaaqarpoq, qitsuup isaasaanik niutamikkut saamerlikkut atsissukkut pilerneqarsimasunik, tassa reflekseqarpoq, taartunillu kamippaqarluni.

- Politiit nalililerpaat ilisimannittoq taanna paasissutissanik suliamut pingaarutilinnik nassuiaateqarsinnaasoq, politiit tusagassiuutinut nalunaarummi allapput.

Politiit ilisimannittoq taanna oqaloqatigerusuppaat immaluunniiit inuit ilisimannittup kinaaneranik ilisimannittut saaffiginnequllugit.

AAMMA ATUARUK Politiit: Niviarsiaqqamik aqqanilinnik ukiulimmik toqusoqarnera nalinginnaasuunngilaq

Niviarsiaraq KJ Greenland Aasiaat Wille Brandtsvejillu akornanni majuartarfinni toqungasoq novembarip ulluisa 27-anni nalunaaqutaq 01.23 nassaarineqarpoq.

Suliaq pillugu oqarasuaammut 701448-mut sianerluni saaffiginnittoqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat