Aasiaat Kommuneat utaqqisinnaajunnaarpoq

Aasiaanni aalisakkeriviup matoqqanerata kingunerisaanik Aasiaat Kommuneata aningaasaqarniarnera ajornartorsiorfiulersimavoq.

Borgmesteri Enok Sandgreen isumaqarpoq naalakkersuisut sukkanerpaamik iliuuseqartariaqartut, qaleralinnillu pisassiisariaqartut:

- Qaleralinnik 1.250 tonsinik tulaassuiffigineqarsinnaanissarput pillugu Royal Greenland qinnnuteqarnikuuvoq, akuerineqarsimanersorli suli paasinngilarput, tutsaqartoqanngimmat, Enok Sandgreen oqarpoq.

Assagiarsuit saniatigut Aasianni fabrikkip aalisakkanik tulaassuiviunissaa Aasiaat Kommuneata Royal Greenlandillu akornanni isumaqatigiissutigineqareernikuuvoq, Enok Sandgreenilli oqaasii malillugit ajornartorsiut naalakkersuisuniippoq:

- Ajornartorsiut naalakkersuisuniippoq, tassa tulaassugassanut akuersissutinik pissarsineq ajuleqqagatta. Nukinginnarsivoq, qaammaterpassuarni utaqqisinneqarpugut, Aasiaat Kommuneanni borgmesteri Enok Sandgreen oqarpoq.