Aasap imaalinerani ilinniartunngortussat inissarsiorfigisarpaat

Pisartoq aasat tamaasa unamminartoqarluni, ajornartorsiorteqarluni pakatsiffiusinnaasartoq. Susanne Møller Nuummi Piareersarfimmi pisortaavoq, taassumalu inuusuttut pakatsisarnerat kamattarnerallu ilisimaarilluarpaa. Tassami inissarsiortorpassuit salloqittagaasutut misigisarput.
Allattoq Jonas Løvschall-Wedel, Jens Thorin
juulip 16-at 2013 06:28

 

 

- Oqartuarpusi, ilinniassasugut, ilinniassasugut ilinniassasugut. Kisianni ilinnialerutta inissatsinnik tunisinnaanngilatsigut, inuusuttut oqartarput. Pakatsinerallumi kamannerallu uaugut paasilluakutsoorsinnaavarput ikiorusukkaluaqalugillumi suuteqanngikkuttali tunisinnaanngilagut, Susanne Møller oqaluttuarpoq.

 

Taanna oqaluttuarpoq, Nuummi ilinniartunut inissaqartitsiniarneq ajornartorsiornaqisoq, ajornartorsiullu ilinniartunut Nuummeersunut ingammik angisuujusoq, taakkua Namminersorlutik Oqartussat ilinniartunut inaataanni utaqqisunut allatsissinaanngimmata.

 

Taamaammat ukioq ataaseq sinnerlugu utaqqisarneq takornartaanngilaq, taavalu amerlasuut pisariaqartitaminnut naammakannertumilluunniit inissarsissanatik.

 

Tamatuma aamma kingunerinut ilaavoq, amerlasuut suliffiminnut atatillugu initaarsimasut, suliffimminnut pituttugaasarmata.

 

- Suliffimmut atasumik ineqarnertik pissutigalugu ilinnianerminnik taamaatitsiinnartoqarparpoq, tassalu Nuummi ilinnartuutillutik nuuffigeriaannarnik inissianik attartugassaqannginnamik ilinniartunut inissiat kisiisa isulmalluutigisarpaat, tamakkuninngalu neqeroorutissaqarpianngilagut, Nuummi Piareersarfimmi pisortaq, Susanne  Møller oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk