Aasaanerani suliartortitat affaat suliffimminnik paarsisinnaasimanngillat
Royal Greenland suliffissuarni pingasuni aasaanerani sulisussarsiormat qinnuteqartut Danmarkimeersut, Nunatsinneersut, Islandimeersut Savalimmiuneersullu 500-nit amerlanerusimapputt. Kalaallit qinnuteqartut 74-it toqqarneqarput, taakkuli suliffimminnik paarsisinnaanerat naatsorsuutigineqartut ingerlasimanngilaq. Inuttut ajornartorsiutit pissutaanerusimapput.
- Ajoraluartumik suliartortitsinitta inernera ilimagisatsinnit ajorneruvoq. Qujanartumilli suliartortitat ilaqarluarput aalajaatsunik nuannaarutigilluakkatsinnillu aammalu sulisoreriikkatsinnut oqilisaassisimasunik, nuannaaruteqarnerpulli suliartortitatsinnik aalajaatsuunngitsuunngitsunik inuttullu ajornartorsiutiminnik sorsugassaqartunik uggorsaateqarnitsinnit ajoraluartumik annikinnerungajassimavoq, Royal Greenlanfimi Sulisoqarnermut pisortaq Søren Olsen Damgaard oqarpoq.
Suliartortitsisimanermili suut tamarmik ajortuinnaanngillat. Suliartortitat qulingiluat Royal Greenlandimi sulisimanertik ima nuannarisimatigaat illoqarfinnut suliartorfigisimasaminnut nuuinnissartik qinnutigisimallugu, tassalu tallimat Qasigiannguanut sisamallu Paamiunut.
- Ukiut siuliini aasaanerani sulisusaaleqisarnerni misilittakkavut pitsaanngitsut aallaavigalugit ukioq manna siusinnerusukkut immikkut illuinnartumik iliuuseqarluta suliartortitassatsinnik sulisusarsiorpugut. Nalilersuinittalu takutippaa aasaanerani suliartortitsisarnerinnakkut ajornartorsiuterput qaangerneqarsinnaanngilluinnartoq. Maannalu ingerlariaqqilluta sulisussaaleqisarnerup kingunerisartagaasa sunniutaanik qanoq annikillisaasinnaanerput paasiniartariaqarparput, Sulisoqarnermi Pikkorissaasarnermilu Ingerlatsisoq Søren Olsen Damgaard inerniliivoq.
