Aasaanerani nalunaaquttamut ikaarsaassaagut
Allattoq Najaaraq Egede
Nunarput ulluni makkunani ukiuugaluaqisoq aasaanerani nalunaaquttamut ikaarsaartussanngorpugut. Tamanna ullumi arfininngornermi pissaaq. Kitaani Qaanaamit Nanortalimmut, Tasiilaq ilanngullugu unnugu nalunaaqutaq qulinut nalunaaqutaq aqqanermut siuartissavarput.
Piffissami tassanerpiaq Illoqqortoormiuni nalunaaquttap akunnerinik marlunnik siulliusut, nalunaaqutaq unnuaqeqqanit ataatsimut siuartissavaat.
Nunatsinni aasaanerani nalunaaquttamut ikaarsaarneq ajortutuaapput Danmarkshavn Pituffillu.
Eqqaamallugu "qulinut aqqaninngortitsineq pillugu" unnugu unnuk nalunaaquttap akunneranik ataatsimimik sivikinnerussammat.