Inuussutissarsiutit

Aasaanerani avaleraasartoorniarneq aallartittoq

Ingerlatseqatigiiffiup Arctic Prime Fisheriesip aalisariutaataa Ilivileq Tunumi ulluni kingullerni avaleraasartuut 146 tonsit pisarai.

Allattoq Simon Uldum -

juunip 29-at 2016 11:26

Ilivileq kisiartaalluni maannakkut avaleraasartoorniartuuvoq. Tunumi ukioq manna avaleraasartoortassat 85.000 tonsiupput. Aalisarnermut, Piniarnermut Nunalerinermullu Naalakkersuisoqarfik tusagassiorfinnut nalunaaruteqarluni taama allappoq.

Avaleraasartoortassat aalisartartoqatigiinnit assigiinngitsunit pingasunit aalisarneqarsinnaapput.

35.000 tonsit kalaallit aalisariutaataannit aalisarneqarsinnaallutik, 20.000 tonsit nunani allaneersut aalisariutaataannit, nunatsinni ingerlatseqatigiiffinnit aalisariutaatilinnit attartorneqarlutik aalisarsinnaallutik, kiisalu 30.000 tonsit ingerlatseqatigiiffinnut namminneerlutik aalisariutaatilinnit aalisarneqarsinnaallutik.

Aamma atuaruk Ingerlatseqatigiiffiit qulingiluat avaleraasartoorniassapput

Aalisarnermut, Piniarnermut Nunalerinermullu Naalakkersuisoqarfiup avaleraasartoorniarsinnaanermut akuersissutit 13-it maannamut tunniussimavai, aalisariutit 20-t missaanniittut aasaq manna avaleraasartoorniassallutik.

Nutaarsiassami kukkunermik nassaarsimaguit uunga allaffigineqarsinnaavugut.