Uumasunik nujuartanik nungutaaqqajaasunik niuerneq pillugu EU-p aalajangersagaa malillugu, aarrit tuugaavinit sanalukkanik kusanartulianillu Kalaallit Nunaanniit nunanut EU-mut ilaasortaasunut tuniniaasarneq unitsikkallarneqarpoq, Tuluit Nunaata siunnersuutaa malillugu taamaaliortoqarluni.
Namminersornerullutik Oqartussat tusagassiuutitigut taama nalunaaruteqarput.
Tuluit Nunaata siunnersuutaa akuersissutigivinneqassanersoq, ilisimatuussutsikkut EU-mi naliliisartut septembarip ulluisa 26-ianni ataatsimiissutigissavaat.
Aarrit nungutaaqqajaanerannik Tuluit Nunaata naliliinera pissutigalugu pinnersaatinik, kusanartulianik eqqumiitsulianik assigisaannillu nunanut EU-mut ilaasortanut tuniniaasarneq tassa unitsinneqarallarpoq.
Avammut tuniniaaniaraanni CITES-imit akuersissummik peqqaartariaqarpoq, tuniniaanermillu unitsitsineq ingerlaannartumik ullumi atuutilerpoq.