Aarrit pisassat aalajangersorneqartariaqalerput

Namminersornerullutik Oqartussat kitaani aavernik pisassanik amerlassusiliisariaqarput, nunarsuarmioqatillu takutillugit pisassat nakkutigineqartut, ilisimatooq, aarrinillu ilisimatusaatit tunngavigalugit doktorinngoqqammersoq Erik Born oqarpoq.

- Oqaatigineqarsinnaavoq uumasutuulli allatut aavernik pisassiisalernissaq eqqunneqartariaqalissasoq, oqaatigerusuppara aamma aarrinik piniarnermi aallaaginnarnagit kapeqqaarlugilli toqunniartarnissaat, soorlu qanga taamaaliortartut, tassami ullutsinni takussaalereerpoq aallaaginnarneqartartut, aallaginnarneqartartullu kiviinnartarput, ilisimatooq Erik Born radioaviisimut oqarpoq. Avataani isigineqarneq pissutigalugu, kitaani piniariaaseq nutaamik eqqartorneqaqqittariaqartoq Erik Bornip piffissanngorsoraa.

Erik Born isumaqarpoq aarrit nungutaalinngitsut, nerisatik pinerullugit, avatangiisilluunniit allangoraraluarpata uumanerminni naleqqusarsinnaassuseqarmata.

Kitaani aarrit, tassa Qerqertarsuarmiit Sisimiut tungaanut ukiuni kingullerni 1000-t missaaniinnerartarpai, pisarineqartartullu 100-t arlaliunerarlugit.

Erik Born aamma isumaqarpoq aarrit nakkutigineqalinngippata imaluunniit pisassanik killilersuisoqalinngippat, taava nunat allamiut killilersuinissaat periaannaasoq, soorlu CITES-mi aarrit pisataannik nunanut allanut niiverneq inerteqqutaalersinnaavoq.

Avatangiisit pinngortitarlu pillugit suliniaqatigiiffiup, Uppiup siulittaasua Jens Peter Lange maanna piumasaqarluni oqarpoq Namminersornerullutik Oqartussat uumasut avatangiiserlu pillugit nunarsuarmiunut apuutassamik politikkeqalernissaat piffissanngortoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat