Pinngortitaleriffik suleqatigalugu aarrit nunatta kitaaniittut satellitsikkut nassiussisartunik ikkussuiffigisimavaat.
Biologit aarrit pillugit ilisimasaat annertusiniarlugit nassitsisartunik ikkussuiffigineqarsimapput, ilaatigut paasiniarneqarluni qanoq sivisutigisumik sikumiittarnersut sumiittarnersullu.
Paasisat uuliasiornissamut qinnuteqarnermi akuersissutinik tunniussinissamut ilaatigut atorniarneqarput.
Uuliasiortut sumiiffimmi aalajangersimasumi qilleriniarunik biologit oqaluttuussinnaavaat, ukiup qanoq ilinerani aarrit akornusersornagit qillerisoqarsinnaanersoq.
Nassitsissutit takutereersimavaat aarrit Sisimiut eqqaaneersut Canada-liartartut.