Ukiunut tulliuttunut marlunnut nunatsinni nannuttassat aarrillu pisarineqarsinnaasut amerlassusissaat piniarnermut naalakkersuisoqarfimmit avammut nalunaarutigineqarput. Aappaagu 2007-imi aaffattassiissutit 200-iipput, 2008-imi 175-it 2009-imilu 155-iniussaat aalajangersarneqarlutik. Aaffattassiissutigineqartut agguataarneqarsimapput nunatta kitaata avannaani pisarineqarsinnaasut immikkut, nunatta kitaata sineriaani, tunumilu immikkut.
Nunatsinni aappaagu 2007-imi nannut pisarineqarsinnaasut 139-iussapput, 2008-imi 135-it 2009-imilu nannut 130-inut pisarineqrsinnaasutut aalajangersarneqarlutik. Piniarnermut naalakkersuisoqarfimmiit ilanngullugu nalunaarutigineqarpoq piniarnermut naalakkersuisoq piginnaatinneqartoq pisariaqarpat pisassiissutinik agguaasseqqissinnaaneranik taamatullu ilisimatuussutsikkut paasisat pisariaqalersissappassuk tusarniaanissat tusarniaavigereerlugit pisassiissutinik iluarsiisarsinnaaneranik periarffissinneqartoq, piniarnermut naalakkersuisoqarfimmit taamatut tusarliunneqarpoq.
