Aaqqissuusseqqinnissaq qinersisartunit soqutigineqanngippaallaarpoq

Qinersinerup kingorna suliassat pingaarnerit ilaat qinigassanngortittunit piareersarfigineqarsimanngitsoq,

Aaqqissuussaanermut isumalioqatigiissitat siulittaasuat Martha Labansen naliliivoq.

Taanna isumaqarpoq, Aaqqissuussaaneq pillugu isumaliutissiissut, kommunit ikilinissaannik kinguneqartussaq, Inatsisartunut qinigassanngortittut ilarpassuannit atuarneqarsimanngitsoq.

Isumaliutissiissut Inatsisartut upernaaru ataatsimiinnerminni aalajangiiffigissagaat ilimagineqarpoq.

-Oqallinnissami tunngavissat uani erseqqissumik saqqummiunneqareermata atorneqarnissaat neriuutigigaluaratsigu. Uanga soorunami pakatsissutigilaarpara politikerinngorniartuni qitiusuminngaanniit akisussaaffimmik annertuumik tigumminnikkusullutik saqqummersuninngaanniit annertunerusumik sammineqanngimmat, Martha Labansen oqarpoq.

Martha Labansen ilanngullugu oqaatigaa, isumaliutissiissutit allat eqqarsaatigalugit isumaliutissiissut takinngikkaluartoq, atuaruminartorlu.

-Isummersuutini tusaaneqarsinnaavoq innersuussutip ataatsimut imarisai iluamik atuarnagit immaqalu paasinagit isummersortoqartartoq, Martha Labansen oqarpoq.

Aaqqissuussaanermut Isumalioqatigiissitat siulittaasuat Martha Labansen Inatssiartunut Qinersineq 2005-imut ippassaq aallakaatinneqatumi taama oqarpoq. Taanna ataasinngorpat nalunaaqutaq marlunut aallaka-tinneqasaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat